السلام عليكم ورحمة الله
جبت ليكم واحد لالا مولاتي الكرواصة
غزاااااااااااااالة وهشيشة و ماتاحتاج لا لكترت الزبده و دليك ولا الخمير
يالاه نخليكم مع المقادير و الطريقة ودائما بالتفصيل الممل
المقادير
</STRONG>كاس الزيت
كاس دقيق
3 معالق السنيده
2معالق كبار خميرة الخبز
خمارة الحلوة
قبصة الملح
نيدو صغيرة او ما يعادل 3 معالق كبار
كاس ونص ماء
الطريقة
تاخدي هاد المقادير و تخلطيها مزيان في المزلينيكس واحد 5 الدقايق
من بعد تصبيه فالقصرية و تزيدي عليه 3 كؤوس دقيق
و تخلطيه حتى تجمع العجين
ديريه دواور و درلكيه و دهنيها بالزبده غي بالشيته و ديريليه الشكلاط او اي حاجة
بغيتي تحشي بيها و شكليها كما بغيتي
ملي تبغي الدخليها للفرن طربي بيضة مع شوية قهوة سريعة الدوبان دهني
الكرواصة من الفوق ودخليها الفران
