google_protectAndRun("render_ads.js::google_render_ad", google_handleError, google_render_ad);
***********************
مالك يا مهندس يا صغير
قاعد ليه وشك متعكر
قاعد ليه وحدك بتفكر
قوم ياللا اتخيل واتصور
دا الوحدة للعقل تدمر
لا تحمل نفسك فوق طاقتك
بالألعاب قوم اشغل وقتك
قوم شارك صاحيك أو أختك
واتقدم واياك تتاخر
لا تسيب الأغلال جواك
قوم كسر يأسك وشقاك
دا بعقلك تعرف مولاك
وبعقلك تقدر تتحضر
اسال اعرف حاجة كثير
وكفاية يا صاحبي التكشير
اسال عن حب التعمير
بالبسمة وشك هينور
انهض يا مهندس يا صغير
&&&&&&&&&&&&&&&&&&
مالك كده يا قصير الديل
مالي الدنيا بهم وويل
وعمايلك بتهد الحيل
علي نفسك بتقول د جميل
بتحي كثير التنطيط
ويتكتب اسمك عا الحيط
وتقول أنا ناصح وحويط
وبترسم عا الناس لخابيط
لاصحابك تعمل خلاخيل
مالك بتشد الأنظار
علي غيرك بتقول دا حمار
وبتطفي عليه الأنوار
وبتقدر تعمل قلاقيل
دا الصافي بيشعر ببساطة
ويخيب التايه ف الاطة
وبيترك غيره علي بلاطة
والعلم عنده مهابيل
راح يخسر ابو دم تقيل
&&&&&&&&&&&&&&&&&&&&&&&
احمد ماله
احمد ماله اتغير حسه
لما بيهمل مرة ف درسه
دايما ماشي يعاتب نفسه
وبيهمل ف نظافة لبسه
خلي اصحابه
تسأل مابه
كل احبابه
عايزين يعرفوا اللي يخصه
خافوا عليه من حزن اكيد
دا احمد جد وعقله رشيد
وف احزانه بيبقي وحيد
وف جرحه ما بتسمع همسه
قالوا لمامته كمان وياياه
كلنا عمره ما يرضي قساه
كلنا حاسس ايه جواه
بقي بيمسنا اللي بيمسه
رفعوا الروح وازاحوا الياس
لما ادوا له الثقة ف النفس
وبيضحكوا علي حزن الامس
وبينساها وهما بينسوا
&&&&&&&&&&&&&&&&&&&&
البنت حنين
البنت حنين بنت الشياطين
خلتني يانام ورمت ف العين
البنت خنين بنت الشياطين
بتقول علي سيد اسمه ياسين
البنت روان مجنونة جنان
بتشد شعور البنت حنان
مع خالها محمد تئذي حسين
البنت صباح
واخوها صلاح
مالين الدنيا مرح ونواح
وبعد الضحكة بتلقي جراح
لكن بيسوقوا الزور علي مين
البنت سعاد واخوها عماد
ف عقولهم بس بتلقي عناد
والبكا ف البيت دا ما لوهشي معاد
ويقطعوا دايما ف الفساتين
دا البنت حنين بنت المجانين
***************]
